Hûrgilîyên Çalakîyê

Nûnerê me yê li Amedê û nivîskar Nezîrê Cibo, 26ê Îlonê roja duşemê saet 17.30an li Nûnertiya me ya li Amedê li ser pirtûka xwe ya bi navê ‘Jiyanên Penaber’ a ku ji Weşanxaneya Lîmanê derketiyê gotûbêjekê dide û piştî gotûbêjê pirtûka xwe îmze dike.

Derbarê Nezîrê Cibo de

Perwerdekar, nivîskar û rêveberê rêxistina civaka sivîl Nezîrê Cibo, bi eslê xwe ji gundê Bêciramana girêdayî navçeya Kercosa Batmanê ye, li Nisêbînê ji dayîk bûye.

Li Amedê, li Dibistana Zimanên Biyanî îngilîzî û li Zanîngeha Dîcleyê perwerdeya dîrokê dîtiye.

Ligel gelek xebatên lêkolîn-vekolînê, gername û biyografîk pirtûkên wî yên bi navê ‘Siltanên Hevêrkan’, ‘Ji Midyadê heta bi Peravên Baltiqê’, ‘Bi Henek’ û ‘Jiyanên Penaber’ çap û belav bûne.

Mamoste Cibo, niha ligel karê mamostetiyê, wekî nûnera Weqfa Îsmaîl Beşîkcî li Amedê kar dike.