Hûrgilîyên Çalakîyê

7ê Cotmehê roja înê, saet 17.00an nivîskar û lêkolîner M. Xalid Sadînî  wê bi moderatoriya Nezîrê Cibo li Nûnertiya weqfa me ya li Amedê, li ser “Mîrnameya Hekarîyan” gotûbejekê bide û piştî gotûbêjê wê pirtûka xwe bo beşdaran îmze bike. 

Zimanê gotûbêjê kurdî ye û ji bo çalakiyê hûn vexwendî ne.

Derbarê M. Xalid Sadinî de

Nivîskar, lêkolîner û weşanger, M. Xalid Sadînî bi eslê xwe ji Colemêrgê ye. Wî li Fakulteya Vekirî ya Zanîngeha Anadoluyê beşa Sosyolojiyê xwendiyê û piştre jî li Zanîngeha Van Yuzuncu Yilê, di beşa Çand û Zimanê Kurdî de lîsansa bilind temam kiriye. Dîwana Feqiyê Teyran, Hemû Berhemên Mela Huseynê Bateyî, Mîrnameya Hekarîyan jî di nav de bi qasî 20 pirtûkên wî çap û belav bûne. Niha gerînendetiya weşanxaneyên Peywend û Loryayê dike û yek ji endamên lîjneya rêveberiya Weqfa Îsmaîl Beşîkcî ye.